Ka hautūhia e te Pāremata he whakaaturanga tūmatanui o te Whakamaharatanga ā-Motu
20 o Hepetema 2022
E pōhiritia ana te hunga e hiahia ana ki te mātaki i te Whakamaharatanga ā-Motu hei whakanui i a Kuini Irihāpeti te tuarua me āna mahi katoa, ki te Pāremata hei te Mane te 26 o Hepetema 2022.
Ka tīmata te whakamaharatanga hei te 2pm, ā, ka pāho mataoratia ki ngā mata kua whakatūria ki te Pāremata.
He kaupapa ā-whānau tēnei – nō reira kāore e whakaaetia ana te waipiro. Me here ngā kurī katoa. Ka hiahia pea te hunga haere ki te mau mai i tētahi mea hei nōhanga.
Ka moata te tuwhera o ngā papa o te Pāremata, otirā e āhei ana te katoa. Ka noho kati ngā whare Pāremata.
Mēnā ka taea, me haere mai ki Pāremata mā runga waka tūmatanui. He kotahi mineti te roa o te hīkoi mai i te tūnga tereina me te wāhi whakawhiti pahi.
Ka haere tonu te kaupapa, ahakoa ua, ahakoa paki rānei.
ENDS | KA MUTU
Notes: | Ngā tuhipoka:
- E ārahi ana Te Tari o te Pirimia me te Rūnanga Kāwanatanga i te urupare a te Kāwanatanga ki te matenga o Kuini Irihāpeti te tuarua.
- E whakahaere ana Te Tari Taiwhenua i ngā whakanekeneke mō te Whakamaharatanga ā-Motu mā tana Visits and Ceremonial Office.
- E wātea ana ētahi atu mōhiohio mō tēnei kaupapa i te pae tukutuku a te Kāwana-Tianara: www.gg.govt.nz
- Ka noho kati ngā whare Pāremata ā te 26 o Hepetema 2022.
Kaiwhakapā ā-pāpāho:
Ann-Marie Nansett
Te Tari Taiwhenua Department of Internal Affairs
ann-marie.nansett@dia.govt.nz
027 238 4768
